Diaranson anochi a sosode un accidente n’e crusad’i St. Catherinestraat cu Fort Heuvelstraat. Un auto marca Chevrolet modelo Spark a alcansa un peaton. Tur cos ta mustra cu e scuridad por a hunga un rol grandi den e accidente aki.
E chauffeur a conta cu; e no a mira e peaton. Ambulance a presenta na sitio p’asina brinda atencion medico na e peaton, di cual na final a transport’e pa hospital caminda e lo ricibi atencion medico avansa.
Polis di trafico tambe a presenta pa documenta e accidente aki.