Aumento di edad di pensioen di estado treci p’adilanti

Seis miyo di hende muhe y hende homber ainda lo tin cu warda un aña mas cu nan a spera pa nan haya nan pensioen di estado, gobierno Britanico a anuncia.

E aumento dn edad di pensioen pa 68 awo lo ta den fase entre 2037 y 2039, na luga di 2044 manera cu originalmente a keda proponi.
Esnan cu actualmente ta afecta ta entre e edad di 39 y 47.
E anuncio a wordo haci den e House of Commons door di e Secretario di estado pa Trabao y Pensioen, David Gauke.
El a bisa cu e Gobierno a dicidi pa acepta e recomendacionnan di e rapport Cridland cu a propone e cambio.
“Mientras cu e expectativa di bida ta sigui crece y e cantidad di persona como recipiente di e pensioen di estado tambe ta crece, nos mester sigura cu nos tin un sistema husto y sostenibel cu ta reflectivo di e bida moderno y ta proteha nos futuro generacionnan,” el a bisa den Parlamento.
Tur hende mas jong cu 39 lo tin cu warda pa anuncionan den futuro pa sa loke nan edad di pensioen lo ta.

“Cocktail di mal salud”
E cambio aki lo afecta esnan naci entre 6 di April 1970 y 5 di April 1978.
E Gobierno a bisa cu e reglamentonan nobo aki lo scapa e pagado di belasting £74biyon pa 2045/46. Mientras cu e ta wordo prograpa pa gasta 6.5% di e GDP riba pensioen di estado pa 2039/40, e cambio aki lo reduci e cifra aki na 6.1% di e GDP.
Labor a bisa cu e movecion aki tabata di sorpresa, mirando rapportnan reciente cu ta sugeri aumento den expectativa di bida a cuminsa baha, y inigualdadnan di salud duradero entre diferente grupo y regionnan den retiro.
Secretaria di labor y pensioen, Debbie Abrahams a bisa den Parlamento cu hopi hende muhe y hende homber a cuminsa sufri di mal salud na principio di decada di 60, hopi mas prome cu nan ta derecho na nan pensioen di estado.
“Mayoria di e pensionadonan awo lo gasta nan retiro batayando un cocktail toxico di mal salud,” el a bisa. “Gobierno ta papia di haci un Britania mas husto cu nan reglanan di pensioen, sea cu ta nhusto cu e muhenan naci den decada di 50 ta enfrentando, of e proposicionnan di awendia, ta nada sino husto.”
Secretaria General di TUC, Frances OGrady a bisa cu e Gobierno a risca crea un “ciudadano di segunda clase.”
“Den gran partinan di e pais, e edad di estado di pensioen lo ta hopi mas halto cu e expectativa di un bida saludabel,” el a bisa.
“Y trahadonan cu pago abao ta na riesgo di insiguridad den nan trabao, awo ta enfrenta un insiguridad mas grandi ainda na un edad avansa tambe.
“Na luga di hunga cu e edad di pensioen, e Gobierno mester hacimas pa trahadonan mas bieu kendenan kier keda traha y sigui paga belasting.”
Reino Uni tambe tabata critico pa loke ta cambio di edad.
“Den trece esaki dilanti, un aumento di e edad di estado di pensioen pa shete aña, e Gobierno ta hortando for di tur hende den esnan riba 40 y mas jong, apesar cu no tin un caso obhetivo den e bista di edad na Reino Uni pa sostene na e punto aki,” Caroline Abrahams a bisa.
Tom McPhail, hefe di polisa na Hargreaves Landsown, a bisa cu e gobierno mester haci mas pa encurasha spaarmento, particularmente entre e esnan mas hoben.
“Pa tur hende cu ainda falta pa yega 47, ainda tin tempo pa ahusta nan plannan di retiro door di contribui mas,” el a bisa.
“Nos ta sinti cu ta importante pa e Gobierno contra cu nan na mita caminda; nos mester un strategia nacional di spaarmento pa yuda hende spaar y inverti pa nan futuro. Un bon punto di salida lo ta bon pa e Gobierno tira bisa riba dje den un comisicion di spaar.”

Comments

comments