Dia 13 di maart awo Sint Augustinus College tin un actividad cu nan a bin ta haciendo pa dies aña caba pa recauda fondo pa e scol, pa compra di material.
Den esaki ta participa studiantenan di 1ste klas cu mester ehecuta un proyecto relaciona cu nan vaknan di Natuur & Techniek y Papiamento. Nan ta bay duna un show riba escenario, basa riba un baile y bestianan cu tin na Aruba. Esnan den 2de klas pa nan vaknan di Natuur & Techniek y Economie nan tin un proyecto cu tin como tema “productie maken”, nan producto ta cuminda di Aruba cu nanta bay bende.
E actividad aki ta cuminsa pa 5.30 di atardi y ta finalisa pa 9’or di anochi. Lo cobra 5 florin pa entrada na e scol den Pastoor Hendrikstraat.
