Un rato pasa un cantidad di bario a perde coriente den forma abrupto. Den algun caso ta mesun barionan cu a perde coriente mas trempan, mientras cu e biaha aki mas bario a bin acerca. WEB a disculpa su mes mesora bisando cu nan tin problema na e planta, cu consecuencia cu mester a reduci distribucion di coriente. Nan no sa cuanto lo dura pa stabilisa e planta di produccion di awa y coriente riba nos isla.
Ya caba cu e problema di suministro mas trempan, tabatin bastante repercucion pa nos economia. Banconan a confronta problema cu nan sistema electronico di pago, conoci como e mashinnan “POS” den negoshinan, mientras cu varios mashin di ATM no tabata funciona.
