E oficina di Get Rich Lottery atrobe a haya bishita di atracador. Esey tabata den fin di siman. Ora e dama fam B a bay paga e machine di Loteria, el a haye cu un homber color scur para su dilanti cu un cuchiu grandi. E homber tabata tin un jeans preto y un keds preto.
E atracador a papia spaño segun e dama den oficina di number. Eynan a logra bay cu 2500 florin di benta y tambe un tas preto. E dama no sa unda e atracador a core bay. E team di atraco a presenta na e sitio. Esaki ta di dos atraco den corto tempo. Te ainda no a gara e atracador di biaha pasa. Den e mesun area di Companashi tin varios atraco a tuma luga ultimo lunanan.
