Atrobe: Caso di estafa na Harmony Apartments na Ponton

No ta prome, ni di dos y tampoco di tres biaha cu polis ta presenta na Harmony Apartments na Ponton pa caso di estafa. Diasabra atardi tabata mesun storia. Polis a presenta na e dicho compleho pa intermedia entre grupo di turista cu e propietario. Semanalmente polis ta presenta na Harmony Apartments pa caso di estafa.

Awe un grupo di turista ta keh’e propietario di ranca cen di deposito for di nan y no kier entreg’e bek. Algun siman atras tabata mesun situacion, caminda e turistanan a conta cu e propietario ta drenta nan camber sin autorisacion y ta paga airco. Tin denuncia entrega caba, e biaha aki e grupo di turista a sigura cu nan tambe lo entrega denuncia contra e propietario.

Atrobe: Caso di estafa na Harmony Apartments na Ponton

Posted by 24ora on Saturday, October 1, 2022

A duna e propietario su oportunidad di vocifera. El a saca un contract skirbi na man caminda e ta opina cu e grupo a yega prome cu ora. Ta spera cu pronto autoridad local actua contra e señora aki, cu ta dunando Aruba un mal nomber internacionalmente.