Algun minuut prome cu 12’or di merdia alarma a wordo bati pa un atraco arma cu a tuma luga na Little Europe, situa na Playa, situa den bisindario di waf.
E prome informe cu 24ora.com a ricibi ta indica cu tabata trata di dos persona cu a yega, drenta e luga na careda y a saca arma riba e empleadonan y esnan presente. Te awo e informacionnan ta minimo debi cu Polis a yega rapidamente na e sitio y a isola e luga y niun hende por a yega cerca mas.
Despues e atracadonan a huy den un Yaris shinishi y a wordo sigui door di testigonan. A constata cu nan a bandona e auto, cu tabata procedente di robo, net patras di e santana den Caya Ernesto Petronia.
Aki a mira con e hendenan na careda a subi un otro vehiculo cu tabata warda nan, un Chevrolet Aveo blanco. Nan a coy direccion di Tanki Leendert, segun e ultimo informe.
Den e Yaris a bin haya marca di sanger. Esaki probablemente durante e intento pa huy di e sitio, a kibra porta di e negoshi y un di nan a keda herida.
No ta prome biaha cu Little Europe ta victima di atraco. Algun aña pasa algun Venezolano den un pick-up horta. Diferente unidad policial a wordo mobilisa y cualkier persona cu por a mira algo sospechoso, tuma contacto mesora cu Polis.
