Awe diababra pa 1:00pm a sosode un atraco na un Beauty Salon na Caya Charlie Brouns na San Nicolas. Ta trata di un homber halto bisti den t-shirt color blanco y boxer y tabatin un cuchiu. El a horta e placa di benta di dia y a huy na pia. Como cu e empleadonan tabata spanta, a pidi presencia di e departamento di Slachtofferhulp pa brinda asistencia profesional. Pero no a dura mucho cu Polis ta haya yamada di un homber sospechoso den cura di un cas situa den St. Maartenstraat, cu e mesun discripcion. Polis a yega mesora na e adres indica y ey a detene e sospechoso di e atraco. Ta trata aki di un hoben di fam Howell, cu recientemente a sali di prizon y ya ta bek den man di husticia.
