Dialuna anochi alrededor di 10:15PM a sosode un atraco arma na Paramira 58 apartment 2. Ta trata di tres homber habla spañoa drenta e apartamento cu arma di candela y cu cuchiu.
Tabatin dos homber den e apartamento. E atracadonan a bay cu dos telefon celular, joyas, mas o menos mil florin den efectivo y a mara e dos hombernan den nan hogar. Esey no tabata suficiente pa e malechornan aki, a sali pafo y bay cu nan auto, ta trata di un Nissan March color cora kima numera A-51271.
Polisnan ariba caya tabata buscando full rond di Aruba pa wak si por a encontra cu e personanan aki. Atraco Team, slachtofferhulp y team forensico a presenta na sitio. Despues a drenta informacion cu e haya e auto na Modansa. E auto di e victimanan di atraco a keda para dilanti un cas.
