Awenochi pa mas o menos 9:10pm a sosode un atraco arma na Why Me Lottery situa den Nijhoffstraat na San Nicolas. Na yegada Polis a topa cu e bendedo herida. Ela indica cu e atracadornan a maltrat’e y horta e benta di dia di e oficina di catochi.

Investigacion preliminar di Polis a saca afor cu ta trata di dos hende homber cu a yega na e oficina di nomber cu nan cara tapa y full bisti na preto. Nan tabatin arma di candela den man. Ora a drenta e luga, a maltrata e bendedo di catochi y a bay cu e benta di dia cu tabata mas o menos afl 1000,- . Despues di e atraco e ladronnan a huy na pia.

E victima a wordi atendi pa personal di Ambulance cu despues a transport’e pa IMSan pa ricibi tratamento medico specialisa.

Polis ta pidi esun cu a mira algo of sa algo, pa yama tiplijn di Polis na 11141.

Comments

comments