Diasabra dia 16 di november a tuma luga e di 24 Best of the Best Taekwondo Cup 2019 cu participantenan for di Corsou, French Guyana, Aruba y Surinam. Best of the Best ta un evento cu nivel internacional y Aruba su atletanan a score bringando contra di e paisnan internacional.
Cuerpo di arbitrahe, consistiendo di Master Eric Barry, Master Moises Dumfries y Master Guillermo Rodriguez, referee Olimpico for di Venezuela, a scoge e atletanan. Aruba su atletanan den nan totalidad a demostra un biaha mas un nivel di Taekwondo na e publico presente. Varios atleta cu a participa den Best of the Best a prepara nan mes debidamente, participando den trainingscamp pa asina nan tabata bon prepara pa e paisnan internacional y pa duna un bon bataya.
Ta felicita tur e atletanan di Aruba cu a sali miho bringado den Best of the Best 2019. Presidente di Aruba Taekwondo Bond Dr. Guaicaipuro Jimenez a entrega trofeo na tur e miho bringadonan.
