Atletanan di Noord Taekwondo Center a train na Baby Beach

197

Diasabra ultimo e atletanan di Noord Taekwondo Center, Rachid Erasmus, Nicolle Patiño, Brittaney Risco Gomez, Emily Hernandez, Tamara Erasmus y Samuel Rosales a train na Baby Beach despues di un tempo sin cu nan por a train. Noord Taekwondo Center su atletanan a dicidi di bay Baby Beach pa train y tambe pa disfruta di e Beach.

For di 7’or di mainta e mayornan a hiba nan yiunan pa train y e mayornan a gosa y a aplaudi pa mira nan yiunan train cu hopi smaak despues di no por a train door di COVID-19. Manera cu Gobierno a duna e lus berde, Noord Taekwondo Center a mobilisa nan atletanan pa participa na e training na Baby Beach.

Master Yoshmar Wever y Master Melvin Rasmijn a habri e portanan bek pa training por sigui na Scol Basico Kudawecha ariba Dialuna, Diaranson y Diabierna for di 6’or di atardi pa e chikitonan di 3 aña bay ariba. Den e compilacion di e potretnan por mira e caranan contento di e atletanan di Noord Taekwondo Center.