Den fin di siman tabata tin e competencia di TNG THROWDOWN organiza pa e dos ruman Ronald Speyer y Myron Speyer cu basicamente tabata un competencia entre e atletanan cu ta train Crossfit na diferente box na Aruba, esaki a wordo haci na Aqua Windies, tabata un competencia consistiendo di teamnan di tres atleta, na total tabata tin 17 team cu a participa.
E competencia den e categoria RX tabata entre e team masculino y femenino y e diferencia den e competencia tabata centra den intencidad y peso den cada team, tanto femenino cu masculino participando pa e mes un posicion, logicamente e reglanan tabata bon explica na e atletanan, algo cu a hacie hopi emocionante y interesante wardando e final pa mira con esey lo a bay, Pa e otro categorianan e premiacion a keda normal.
Despues di lucha duro cu pesanan, burpees y landamento e ganadornan a sera conoci, cada grupo tabata tin su nomber y e resultado tabata sumamente satisfatorio pa e atletanan di Muscles and Lungs Crossfit cu a logra e siguiente posicionan:
RX: Masculino-Femenino
Prome luga: “Cookies & Cleans” Lionel Harms, Darrel Werleman y Theron Farro.
Segundo lugar: “ Team Electric” Veronique Atens, Vanessa Harms y Rachel Werleman.
Scale Masculino:
Prome luga: “ You,me & Burpee”: Jeruso Fernandes, Eduardo Marchena y Angelo Kelly.
Tercer luga: “SML” Jerry Staren, Tyronne Bautista y Denzell Boethoudt
Scale Femenino:
Tercer luga: “7:30” Ellen Breed, Petra Smit y Wilma Boek Un pabien ta bay pa e atletanan di Muscles and Lungs cu a sa di haci su mayor esfuerzo y logra gana un bon posicion na final di e competencia. Nos ta felicita tambe Ronald y Myron pa e prome salida cu un evento hopi exitoso y cu un bon causa su tras cu ta traha riba un fondo pa apoya atletanan cu kier bay participa den exterior. Nos ta desea tur clase di exito y sigui cu e planan den futuro.