Diabierna awor 29 di October 2021, Ateliers ’89 Punto Di Beyas Arte Aruba tin e grato placer di habri y asina invita bo persona personalmente pa su exposicion nobo titula; U N I T A H A C I F O R S A.
Bou guia di e artista maestro Venezolano Raily Yance. Cu presentacion di e obranan di arte traha durante e workshop di arte duna na Punto di Beyas Arte Aruba. Pa cuater siman largo Raily a sa, di un manera unico y professional, di inspira y cambia e manera di pensa di cada un di e participantennan cu kico arte contemporaneo di e momento aki ta.
Tawata un encanto pa por a mira con, David van Trikt, Jhoselimar Guerero, Ace van Trikt, Jairson Winterdal, Judith Werleman, Lupita Bernabela, Nuris Lampe, Suzanne van Spall, Vera Croes y Dinant Essendal y otro participantenan, tabata resalta cu nan obranan segun e dianan y simannan ta pasa. Naturalmente no por mustra tur e experimentonan crea durante e workshop aki den e exposicion final.
Si no mester kies pa mustra e mihor di cada un cu a participa. E exposicion ta mustra atrobe di ta uno pa deleita un y tur. Unda forma y technica convensional ta wordo kita un banda pa asina e obranan di arte por resalta riba nan mes y sin igual. Pa haci tur esaki mas exsitante ainda, lo tin un muestra especial den e salanan yama white box di e maestro Railey Yance mes. Traha durante su estadia na Punto di Beyas Arte Aruba. E anochi aki lo wordo anima cu musica di master Dj Adriano Nanof y bar y cushina lo ta bon surti. Asina nos kier a finlisa cu un danki grandi na tur e participantenan y Raily pa nan gran trabou y pasion pa arte. Sin nan lo e exposicion lo no ta posibel.
Tambe na Fundacion Mondriaan, Vrienden Loterij, Unoca, Fondo Principe Bernhard pa Cultura Caribense, Garage Centraal, VNO y tur e otro instanciannan cu ta haci nos existencia y presentacionnan grandi.
