Den varios entrevista y rueda di prensa Prome Minister ta bisa cu mester a bay fia placa otro caminda, debi cu Hulanda no kier yuda. Un mentira grandi Hulanda kier yuda, pero cu condicionnan, tumando na consideracion e corupcion cu ta tumando luga den nos pais. Nan tin e documentonan den nan poder for di 3 luna pasa y di e tempo ey Gobierno a bisa cu no tin placa, pero no kier firma. Esaki e ciudadano Atan Lee ta bisa den un declaracion manda pa prensa.
Nan tin 3 luna scuchando opinion di tur hende, falta pa papia cu muchanan di kleuterschoolnan, encuanto di e condicionnan. E pregunta cu ta surgi ta di unda Gobierno a saca placa pa paga durante tur e lunanan cu nan tabata den negociacion? A core tuma un decision, bahando salario di empleandonan publico sin laga nan sikiera tin un participacion real, cu e simpel motibo cu no tin placa pa paga. Expertonan a yuda nan p’asina por a bende nan plan cu pueblo y cu e empleadonan publico. Hulanda cu tur rason a kita e suma cu di e dos lunanan aki for di e suma grandi, debi cu Aruba a demostra di tabata tin placa y cu Gobierno a gaña nan. Te awe ningun hende por saca afor di unda e placa cu nan haya como prestamo lo bin.
Lee ta bisa cu Ministrer Presidente ta sigui cu su mentiranan ora cu el a bisa prensa y pueblo cu nan no por confia riba Hulanda pa e siguiente lunanan, Y cu pa e motibo aki nan lo sigui busca financiamento ariba tereno internacional. Si Hulanda ta pidi via Rijkswetnan 7 aña pa yuda Aruba recupera riba diferente tereno, ta nifica cu nan lo sigui yuda Aruba financieramente tog? Hasta un institucion Hulanda kier funda pa yuda financieramente riba diferente tereno.
Scuchando reunion di Tweende Kamer di Hulanda tur politico a enfatisa categoricamente cu nan no ta interesa den e Autonomia di nos pais, pero kier fortifiica esaki cu solamente un par di aña. Mayoria di e pueblo di Aruba den diferente encuesta a mustra nan apoyo pa Aruba firma cu Hulanda, pero e politiconan elite miyonario ta contra esaki. Nan tin miedo pa control severo di parti di Hulanda y esaki tin nan tur spanta. “No por comprende con sindicantonan a cay den e trampa aki y a keda para tras di declaracion di Gobierno cu TA INSTIGANDO PUEBLO CONTRA MADRE PATRIA HULANDA, PERO TA BIAHA TRANKIL CU E PASAPORTE HULANDES.
Awe ex Prome Ministro a bolbe saca un comunicado di prensa y cada bes cu e skirbi algo ta daño so e ta haciendo na su partido y Gobierno. Den su comunicado e ta menciona cu Aruba por fia placa cerca China o India.”
Esaki na prome lugar ta grito di indpendencia di nos pais, perdiendo nos pasaporte Hulandes y di otro banda bende Aruba cu China y India, sin wak pasuid aki, na unda China tin gran parti di e potroleo como nan propiedad y un cantidad di propiedad mas. “Esaki boso kier pueblo? Si sigui asiba pueblo lo lanta pa nan derechonan y no laga un Gobierno mal gelapi sigui maneha nos. Mayoria di pueblo ta desea un CRISISKABINET pa caba cu henter e fechoria aki. E wega cu Gobierno a hunga cu Hulanda a sali nan hopi caro, pronto pueblo lo realisa esaki.”
