Cu Gobierno actual a haya un situacion financiero precario y cu un control severo di parti di CAFT, nan a tuma e decision pa hisa BBO/BAVP cu 3% mas. Yegando na un total di 6%. Pueblo a protesta, pero a costumbra cune. A sali un sabio y conseha pa cambia esaki y ta exigi tur comerciante pa kite for di riba recibo cu clientenan ta ricibi. Cu esaki pa tapa wowo di pueblo cu nan no ta pagando e 6%.

Kico ta e consecuencia di e scondemento aki cu e comerciantenan? Specialmente e supermercadonan a subi prijs na nan antoho, sin un clase di control. Con un cliente por controla esaki. Riba dje e directora di Departamento di Impuesto (DIMP) ta declara aserca cu ta keda na e comerciante pa hisa e prijsnan manera nan ta desea, contal cu nan paga Gobierno e 6%.

E sabio cu a bin cu e idea aki ta kere cu pueblo ta bobo y con bo sconde o trata di disimula, pueblo sa cu den tur prijs tin e 6% y cu esaki mester ser paga tur luna na Gobierno.

Rumannan, comerciantenan a abusa cu e prijsnan, probechando di e posibilidad cu Gobierno mes a brinda nan. ARUBA A BIRA CARO, PERO HOPI CARO, DEMASIADO CARO. Pueblo ta lucha pa sobrebibi, culpa di e mesun sabio o nan cu a conseha Gobierno pa haci esaki, treciendo un free for all den prijs riba nos pais.

Tur caminda di mundo riba e recibo ta aparece e porciento cu bo tin cu paga na Gobierno y hasta na nos ruman pais Corsou esaki ta asina. Di berdad e BBO/BAVP no ta bai bira 10%, pero mucho mas cu esaki. Cana y controla den supermercadonan, anto bo ta nota e diferencianan di prijs, pa mesun producto den un supermercado p.e. ta pidi fl. 5,00 y net un supermercado banda di esaki e ta fl. 6,00.

NO TABATIN UN REPRESENTANTE DI PUEBLO CU POR A CAY RIBA ESAKI, PROME CU NAN A VOTA PA PASA E LEY?

Mester bisa cu e tiro salio por la culata. Un eror grave di e sabio(nan) cu a conseha Gobierno.

Boso ruman cu ta stima y reza hopi pa boso. Atan Lee sr.

Comments

comments