Cosecha ta hopi, trahado ta poco, ta loke cu Atan Lee a expresa, treciendo un mensahe di speransa pa nos comunidad. Awor aki mes Cristo ta memey di nos, sin ningun duda. Pakico Atan Lee a scoge 3’or di atardi pa dirigi na pueblo? Cristiannan rond di mundo cu ta stima Cristo, ta recorda cu pa 3or di atardi, el a entrega su mes pa nos.
E tambe, apesar cu e ta yiu di Dios, a sufri na bida e menosprecio. Despues pa sufri un sufrimento cruel, sabiendo cu e lo bay muri un morto cruel. El a sufri bochorno, ora cu nan tabata grit’e. Otronan el a salba, pakico e no ta salba su mes awo.
Esey no ta basta. Nan a bati’e cruelmente, corone’ cu un corona di sumpia, traha di mata di hubada, cu ta dorna e caminda cu ta hiba nos na kapel di Alto Vista.
Esaki ta pa nos corda ora nos mira e sumpianan grandi cu nos bay Kapel di Alto Vista. Sigur e mensahe aki ta trece speransa den nos curason, treciendo palabranan di consuelo den e temponan duro aki.
