Atake cibernetico a causa cu pa pago di payroll a coy cifra averahe so

Hospital y e empleadonan te ainda ta sufriendo e consecuencianan di e atake cibernetico cu nan a bira victima di dje casi un luna pasa.

Mayoria di e trabou ta tuma luga manualmente cu ta haci cu e eficiencia no ta prome luga aworaki. E ta un tema cu tin e sindicato di sector di cuido ABV hopi preocupa, segun su presidente Gina Maduro.

Atake cibernetico a causa cu pa pago di payroll a coy cifra averahe so

Atake cibernetico a causa cu pa pago di payroll a coy cifra averahe so

Posted by 24ora on Thursday, December 12, 2019

E efectonan ta grandisimo, Maduro a bisa. Aruba tin un hospital toch grandi y unda awo, debi na e atake, e servicio (proceduranan) mester tuma luga di un forma manual. Pero toch ta sinti cu a dal algun stap grandi, ta cu pa un siman caba cierto departamentonan por a drenta e sistema, haciendo uzo di laptop, y por print e stickernan cu ta entrega na clientenan ora di haci testnan. “Poco-poco nos ta biniendo bek riba pia pa sigui duna e servicio. Pero por bisa cu e efectonan tabata enorme.”

Meymey di e sucedido a yega momento di entrega payroll di 1100 empleado, sin conta e specialistanan ni stagiairenan. Tur esaki mester a sosode manualmente, pa cual mester a haci un calculo di kico e salarionan lo por ta y a page un suma averahe. Loke no por a paga tabata e overtime di mas cu 400 empleado cu a traha esaki. A traha un “voorschot payroll”, pa cual e cifranan no ta completo, tampoco e luna aki. Nan ta kere cu tin cu luna di januari ta bin un coreccion.

Tin varios di empleadonan di hospital afecta a tuma nan retiro y ta bayendo pa drenta servicio na IMSAN, cu ta den pleno desaroyo y cu ta dunando bon incentivo na su empleadonan. ABV ta haya cu mester bini un sistema cu tur CAO den cuido mester ta igual. Unda cu e empleado bay, e mesun beneficionan e ta haya. Di e forma aki ta evita cu un trahado ta bay unda ta haya beneficio adicional.

Den cuido na Aruba tin e mesun problema cu sector di cuido na otro paisnan ta confrontando. Un falta di personal. P’esey Maduro ta bisa cu e poconan cu tin, wanta y trata nan bon. ABV ta kere cu mester bin un miho cooperacion entre esnan den cuido y EPI pa yuda mas tanto hoben drenta e mercado laboral di hospital.