Oficina di Turismo, ATA, ta informa cu pa luna di juli nos destinacion a ricibi un total di 109,006 bishitante “stay-over”. Si compara luna di juli 2022 cu juli 2019 – cu tabata e ultimo aña normal di turismo, por mira cu Aruba a recupera 105% di locual a ricibi na juli 2019.
Na 2015 Aruba a experencia e miho juli den su historia, ricibiendo 109,251 bishitante “stayover”. Ta bunita pa wak cu juli 2022, saliendo di pandemia Aruba a wak su di dos miho juli.
E tres mercadonan cu mas a destaca den e cantidad di turista cu a bishita na juli 2022 como tambe den grado di recuperacion den e diferente regionnan ta: Merca cu 86,835 bishitante cu ta representa un grado di recuperacion di 109% compara cu juli 2019, Hulanda cu 4,555 bishitante cu ta representa un grado di recuperacion di 124% compara cu juli 2019 y Colombia cu 2,971 bishitante cu ta representa un grado di recuperacion di 107% compara cu juli 2019.
2022 COMPARA CU 2021
2022 ta mustra un crecemento mas fuerte y stabiel cu 2021. Si compara juli 2022 cu juli 2021 por wak cu crecemento di 9% den cantidad di bishitantenan “stayover”, for di 100,178 bishitante pa 109,006 bishitante.
MERCADO
Norte America ta keda e mercado mas fuerte pa Aruba y na juli 2022 un total di 89,396 bishitante Norte Americano a bishita Aruba. Esaki ta 82% di e total di e bishitantenan “stayover”. Na juli 2022, Europa a trece 8,896 bishitante pa Aruba, cu ta 8% di e total di bishitante “stayover”. Un total di 7,568 bishitante cu ta representa 7% di e bishitantenan “stayover” tabata procedente di Latino America; y 3% di e total di bishitante stayover pa juli 2022- cu ta 3,146 bishitante, a bishita nos isla for di otro parti di mundo.
2022
E prome 7 lunanan di 2022 Aruba a ricibi un total di 637,331 bishitante “stayover”, cu ta representa un grado di recuperacion di 94% compara cu e mesun lunanan di 2019.
TOURISM CREDITS / CENTRAL BANK OF ARUBA
Di acuerdo cu Banco Central e asina yama ‘Tourism Credits’ (anteriormente yama “Tourism Receipts”) pa aña 2021 a contribui cu AWG 3,169.9 miyon den nos economia, cu ta 65.5% mas compara cu e mesun temporada na 2020. Esaki naturalmente ta debi na e pandemia global di COVID-19 durante cual Aruba tambe a cera su fronteranan temporalmente entre mita di juli 2020 te cu juli 2020. Tourism Credits a recupera cu 85% si compara 2021 cu 2019.
