Durante un conferencia di prensa teni na Centro Deportivo Betico Croes, e presidente di Aruba Sport Unie, Gerald Franca, a anuncia cu nan ta cla pa cuminsa ricibi participantenan pa e “Ban Move Camp” cu nan ta organisa tur aña.
E ta pa muchanan di 6 pa 14 aña. Ta cobra un suma di 30 florin pa participa. E muchanan tur dia ta haya fruta, sandwich y juice, ademas di e training. E camp aki ta tuma luga for di 20 pa 24 di juli tin e prome grupo , mientras cu e di dos grupo ta cuminsa for di 27 pa 31 di juli.
El a recorda cu ta trata di un campamento deportivo, unda ta siña e diferente tipo di deporte cu nan lo kier practica. Mayornan por haya informacion di tur e disciplinanan y inscribi nan yiu na e scol den nan bario.
Di e forma aki ta yuda e federacionnan haya miembronan nobo.
E aña’ki tin capoeira, karate, tickel ball, tan so doo, volley, table tennis, kendo y arubox. Esaki ta e deportenan cu a registra caba.
