Asociacion di dokternan di cas ta contra prescripcion di marihuana medicinal

801

E asociacion di Dokternan di cas na Hulanda ta conseha nan miembronan pa no prescribi Cannabis mas como un remedi contra dolor. NHG a bisa cu e pruebanan di supuesto efecto di marihuana medicinal como un remedi pa dolor ta hopi poco, mientras cu e efectonan secundario manera ‘sufheid’ si ta visibel.

E organisacion tambe ta menciona e obhecion cu Cannabis no ta registra na e Hunta di Evaluacion di Remedinan, unda cu no ta cla si e posibel beneficionan ta supera e efectonan secundario.

Solamente den e ultimo fase di bida of ora cu nada otro yuda, marihuana medicinal, segun NGH, lo ta benefial pasobra e ta causa un sentido euforico of basta suf.

Gilles de la Tourette

Mientrastanto interes pa marihuana medicinal ta sigui subi. Pashentnan por consumi cannabis den diferente forma: por ehempel door di inhala e puiro, traha thee cun’e of pone un druppel di e extracto di e azeta bao di nan lenga. Dokternan tambe ta prescribi cannabis mas tanto tambe. For di cifranan diStichting Farmaceutische Kengetallen”, ta mustra cu esaki a sosode 50 mil biaha aña pasa, cinco biaha mas hopi compara cu aña 2012.”Bureau voor Medicinale Cannabis” ta enfatisa den e corant Trouw, cu a proba algun di e kehonan cu por wordo kita door di uzo di marihuana, manera cerca pashentnan cu MS of “Gilles de la Tourette”. Pero hasta den e casonan ey mes, a conseha Dokternan di Cas pa manda e pashentnan ey pa un Specialista.

Gilles de la Tourette ta un enfermedad cu ta causa problema den e sistema di nervio di e pashent, causando movecionnan repititivo of ta haci zonidonan sin cu nan mes kier of por controla. E nomber ta na honor di un Dokter Frances cu a descubri of a skirbi di e sintomanan aki na aña 1884. E mes a nace dia 30 di October 1857 y a fayece dia 26 di Mei 1904 na Suiza.