Asistencia pa problema di pareha na Calabas

Tension na Calabas un tiki halto, despues cu polis a bay pa un problema di pareha na un adres conoci, unda un di e partidonan envolvi ta wordo considera “vuurwapen gevaarlijk”

Tabata diasabra despues di 8’or di anochi, cu patruya a bay na un adres na Calabas. Segun e informacion ricibi, tabata tin un problema di pareha.

Debi cu na e adres e persona ey den pasado tabata conoci pa cargado di arma, a pone cu un di dos patruya tambe a bay na e sitio, debi cu e persona ta wordo considera “vuurwapen gevaarlijk”. Na e adres Polisnan a keda basta rato ta papia cu ambos partido envolvi. Por a observa cu polisnan tabata constantemente move for di dilanti e cas pa e parti patras y vice versa.