Algun rato pasa 24ora.com a ricibi confirmacion di abogado mr. Demis Illes, kende ta representa Ashrock Gario, cu su cliente lo keda liber awe tardi ainda. E ultimo aki ta encarcela pa algun luna caba, relaciona cu e delito di tin relacion sexual cu un menor di edad.
Awe e caso di Ashrock Gario a bin dilanti Hues pro forma. Illes cu ta carga e defensa, a pidi Hues pa para e detencion preventivo of suspende esaki. Despues di a scucha e argumento di defensa, Hues a dicidi di honra e peticion pa suspension di e detencion y a instrui pa laga Gario bay awe mes ainda.
Ta bon pa subraya cu Ashrock Gario ta keda un sospechoso y lo mester aparece dilanti Hues pa e caso riba un fecha den futuro.
