Den e dianan aki ta tumando luga e torneo di poker internacional den Hilton Casino, caminda cu nombernan di taya grandi ta competiendo. Entre nan tin varios Arubiano ta hungando, di cual Pieter Susebeek a sa di gana diabierna ultimo. Pa esaki el a ricibi un di e renchinan cu tur hungado di poker na nivel internacional ta gana.
E torneo riba su mes tin un duracion di 10 dia, caminda hopi hungado internacional ta compitiendo. Pa por inscribi den e main evento, tin cu paga $1700, cual lo cuminsa diahuebs awo, cu un premio garantisa di 250 mil dollar. Entre e hungadonan profesional tin Ronnie Bardah, kende ta un hungado cu a gana basta placa den 5 torneo di World Series of Poker.
Palabra di felicitacion ta bay pa Pieter Susebeek, kende a sa di representa Aruba durante di e competencia importante aki di poker y exito pa e proximo weganan cu lo sigui.
