Arubiano kier bolbe Aruba pero KLM no kier transporte

Sharlima Richards a dicidi di bolbe Aruba, pero el a cay den un limbo. Cu pasashi den man, KLM no ta permitie pa aborda avion pa yega Aruba. Richards ta na aeropuerto di Schiphol no solamente cu su pasashi pero cu su boarding pass den man, pero asina mes no ta wordo permiti pa subi e vuelo cu ta of a sali awe pa Aruba.

Segun el a splica, el a bandona Aruba algun aña atras pa bay biba na Hulanda. Pero dor di circunstancianan di bida, el a dicidi di bolbe Aruba. Dia 9 di maart ultimo el a kita su nomber for di registro civil na Hulanda, ya cu el a cumpra pasashi y a haci tur cos caba pa bolbe Aruba dia 17 di maart.

Pero na su yegada na aeropuerto no a permitie pa biaha pa Aruba, apesar cu su paspoort Hulandes ta bisa cu el a nace na Aruba. E no tabatin nada otro manera cedula of rijbewijs.

Arubiano kier bolbe Aruba pero KLM no kier transporte

Arubiano kier bolbe Aruba pero KLM no kier transporte. Click e link pa mas https://24ora.tv/2xHGd2Q

Posted by 24ora on Tuesday, March 17, 2020

E aerolinea a informe cu e mester tin algo pa demostra cu e ta biba na Aruba. Algo cu e no por a demostra.

El a simplemente cay den un limbo, unda a kita di un pa pais pa bolbe su pais pero no por a registra te ora cu e yega Aruba bek.  Pa e motibo aki nan no kier a lague biaha pa Aruba. Pa esaki e tabata haci un apelacion na Gobierno of pais Aruba pa haci un excepcion den su caso pa e por yega su pais bek, aunke cu e no ta registra aki ainda.