Arubiano a yega cu Spirit: “Contento di ta bek na Aruba”

Awe den oranan di merdia a yega Aruba un vuelo humanitario realisa door di Spirit.Den oranan di merdia e vuelo a aterisa y a bay para na gate 4, unda e pasaheronan, cu tabata 20 en total, a pasa lihe.E vuelo aki di un poco mas cu dos ora a sali for di Fort Lauderdale, y a trece Arubianonan, personanan registra na Aruba, kendenan a keda pega na Merca.

Segun por a compronde extraoficialmente, aki na Aruba un total di 14 persona lo subi e vuelo cu lo sali awe mes bek pa Merca, pasando via Colombia. Algun di e pasaheronan aki a yega Aruba cu Divi Air.Esaki ta e unico tipo di vuelonan cu ta permiti aworaki ta di carga emergencia (ambulance), humanitario / repatriacion, y tur ta tuma luga cu aprobacion di di Directie Luchthaven y Gobierno di Aruba.

https://www.facebook.com/24ora/videos/591977444859495/

Spirit, segun vocero di aeropuerto Hendrik Croes, lo opera un buelo pa repatria Mericanonan pega na Aruba, Bonaire y Corsou. Esnan di Bonaire y Corsou a yega cu Divi y ta bay di biaha riba Spirit Na salida por a mira e pasaheronan cu basta ekipahe saliendo pafo cu caranan contento y un di nan a expresa cu e ta “contento di ta bek na Aruba”. Y a agrega cu “nos a wordo bon controla prome cu a subi e vuelo”.