Premier Evelyn Wever-Croes y Secretario di Estado Raymond Knops a yega na un acuerdo politico pa sosten di likides pa Aruba bou condicionnan cu a wordo acorda despues di algun luna di negosacion. E acuerdo aki mester wordo aproba mañan diabierna mainta den Conseho di Minister di Reino y despues ratifica cu firmamento di e acuerdo.
“Mi no ta bisa pabien ainda pasobra ainda desicionnan mester wordo tuma diabierna. Pero tur cos ta mustra cu nos a keda cla y e acuerdo lo wordo aproba pa Conseho di Minister di Reino. Esaki ta trece e trankilidad cu nos tin mester pa nos cuminsa reconstrui nos pais. Berdad ta cu Covid a benta nos algun stap patras, pero cu e acuerdo aki nos ta bay dal pasonan grandi padilanti pa crea un economia mas fuerte, un autonomia mas fuerte y un Aruba mas fuerte pa brinda mas oportunidad na tur ciudadano di nos pais”, asina Prome Minister a bisa un rato pasa desde Hulanda, riba e anochi prome cu bay di acuerdo cu un lista di medidanan cu lo sigui awo contra pueblo.
Lo duna un conferencia di prensa virtual riba e acuerdo politico entre Aruba y Hulanda riba e di 3 tranche di sosten di likides 2020, despues di reunion di Conseho di Minister di Reino mañan. E mandatarionan lo firma e acuerdo y lo contesta pregunta di prensa, cu por sigui esaki via 24ora.com.
