Aruba Wine & Dine a haci un bunita regalo na Fundacion Ban Uni Man pa Cria nos Muchanan

Diabierna atardi, durante di e introduccion di “Hollandse Nieuwe” haring na Cafe The Plaza, a tuma luga entrega di un bunita donacion na e Fundacion Ban Uni man pa Cria nos Muchanan. E ta un instancia cu no ta realmente den publicidad. Segun Fabian Lantinga, operational director di Aruba Wine & Dine, e fundacion mes ta haciendo hopi bon. Lantinga mes tin yiu chikito y el a scucha for di nan cu tin mucha ta bin scol sin come. Esey pa Lantinga ta hororoso y ta haya cu tur mester duna un man pa esaki, sigur pa e comunidad y pa e muchanan en particular.

 

Donacion

Lantinga ta pensa mester entrega bek na comunidad, entre otro e fundacion aki. Ya caba pa di 27 aña tin e evento di haring na Cafe The Plaza, cual ta un exito.

Aruba Wine & Dine a haci un bunita regalo na Fundacion Ban Uni Man pa Cria nos Muchanan

Aruba Wine & Dine a haci un bunita regalo na Fundacion Ban Uni Man pa Cria nos Muchanan. Click e link pa mas https://24ora.tv/2ZrGCza

Posted by 24ora on Friday, June 14, 2019

 

Contento cu donacion

Fundacion Ban Uni man pa Cria nos Muchanan a ricibi un obsekio hopi grandi di parti di Aruba Wine & Dine, hunto cu introduccion di e “Hollandse Nieuwe” haring. John Fun, representante di e organisacion, a comenta cu nan ta hopi contento cu nan ta hayando e aporte for di e comunidad comercial di Aruba. Esey ta locual cu mester pa por yuda e muchanan cu nan ta dunando nan desayuno tur dia na scol.

 

E muchanan

Actualmente e fundacion ta yudando 650 mucha actualmente. E ta sigui splica cu e tabata tin un reunion cu algun consehero di Minister y un negoshante y ta bezig ta wak con nan por haci pa streamline e operations pa por duna un miho servicio. Mas mucha tin, pero e fundacion no por atende hopi mas. Ta bay traha un werkgroep pa wak con ta bay atende cu esey.

 

Un porta ta habri

John Fun ta sigui splica cu e ta hopi contento cu un negoshi ta yuda nan. Te aworaki, mayoria di ayudo ta bin for di e clubnan di servicio. Pero ta bon pa e negoshantenan realisa cu nan por yuda cu tur e fundacionnan na Aruba. Tin hopi fundacion cu tin mester di ayudo. Esaki ta un bon prome paso, el a termina bisando.

Comments

comments