Riba 31 di december tabata existi un tremendo celebracion di ultimo dia di trabou y ultimo dia di negoshi. E team di 24ora.com tabata completamente rond cubriendo e cendemento di pagaranan. E mainta a cuminsa cu e pagara di un miyon na Garage Cordia cu a wordo cendi door di Danilo Werleman, CEO di e empresa GCA Auto Sales NV.
Rondona pa empleadonan y e grito di despedida di, e pagara a bay on y na final tabatin e tradicional dande presenta pa Rolindo Dortalina.
Tambe e empleadonan di ATCO y ECOTECh hunto cu empleaedonan di e consorsio di Meta Corp., a unic na Barcadera pa crea un ambiente di fin di aña pa tiramento di pagara cu a bay compaña pa un celebracion mas pa empleadonan.
Na Garage Centraal, empleado di aña Brigitte de Laine a haya honor pa cende e pagara di un miyon tiro. Prome cu esey, gerencia a ofrece empleadonan y nan famia un dushi catering y a reparti sombre special pa cambio di aña.
Setar na Seroe Blanco hunto cu empleado y clientenan tambe a cera pa e dia laboral pa 12’or di merdia y a sigui di biaha cu e cendemento di pagara. Otronan cu por mira riba e LIVEnan di 24ora.com pa cendemento di pagara na Ritz Carlton, , WEMA Ponton, Kooyman, Island Finance, Compra, Op+Op, Boticia di Servicio Eagle, Adidas y na Romar tambe tabatin un celebracion pa empleadonan riba nan ultimo dia pero sin pagara. E team di 24ora.com ta desea henter Aruba un feliz cambio di aña.