Rino Hermans di Rampembureau a splica cu Hulanda ta na encargo di e avion cu ta hiba y trece cosnan necesario pa yudanza. El a pidi asistencia di Aruba pa wordo uza como hub y riba e operacion eynan ta trahando tur draaiboek pa e por cana suave. Hermans a splica cu tin 61 pashent cu a ricibi di dialyse di Sint Maarta, Saba y Sint Eustatius, cu e sistema medico na Aruba ta dunando asistencia na nan.
E les
Harvey a siña nos y Irma a siña nos pa nos como pueblo di Aruba, prepara una bes cu un alerta sali. Mama naturalesa no ta haci wega, e no ta respeta y e ta bay lagabo den un sistema cu bo no por funciona y Sint Maarten ta un ehempel, caminda su Gobierno pa cinco dia no por a funciona optimal. Esey ta stroba e parti di rescate tuma luga, pasobra no tin hende pa tuma decision.
Na Aruba ta sigur cu nos ta hopi mas bon prepara, pasobra ta entrena 4 pa 5 aña e structuranan y e coordinacion entre e departamentonan di Gobierno ta funciona optimal. Aki aya tin cosnan pa drecha. A haci uzo di e oportunidad aki pa manda hende bay den veld y siña y e experiencia aki ta treciendo Aruba y esey ta bay ehecuta kico mas mester drecha pa nos ta prepara na Aruba si toca nos di deal cu un horcan cu pasa riba Aruba.
Cuanto trabao mas
Hermans a comenta cu e incidente tin cuater fase. E prome fase di Response ta cabando caba cun’e. Awo ta bay pa recover. Den recover tin Reconnect, caminda cu Aruba por duna asistencia cu e personal di Setar y WEB. Ta drentando den e fase eynan pa wak si nan mester di asistencia di e tecniconan experto y den e fase di Rebuild, Hermans no ta mira un rol hopi importante pa Aruba duna asistencia eynan. Pero den Recover y Reconnect si por duna nan asistencia cu e tecniconan cu tin na Aruba. Eynan ta termina tambe cu e operation di Sint Maarten. Una bes cu nan dicidi cu nan ta bay den fase di Rebuild, e ora pa Aruba tambe a termina cu e operation aki.
