Aruba tin tres shelter y 17 area di melding pa ora di horcan

Debi na e bon preparacion cu a bin ta tumando luga ultimo añanan, por bisa cu tur e instancianan cu concerni e temporada di horcan ta bon prepara caba. Esaki ta loke cu Rino Hermans, Hefe di Departamento di Calamidad a bisa den un declaracion.

Tur hende sa cu e temporada di horcan a cuminsa dia prome di juni. Departamento di Calamidad ta e instancia encarga pa prepara tur departamento di Gobierno y otro organisacionnan cu ta den e prome linea pa brinda ayudo ora cu tin un calamidad.

 

Aruba tin un mashin cu por trata 100 diferente tipo di malesa

Aruba tin un mashin cu por trata 100 diferente tipo di malesa. Click link pa mas https://24ora.tv/2XtgenV

Posted by 24ora on Wednesday, June 5, 2019

Cada departamento tin nan parti interno, pero nan tin un structura general cu ta reuni semanalmente. E ultimo 4 añanan a bin ta adapta e sistema con pa atende cu e asuntonan di calamidad na Aruba. Y e evaluacion cu a wordo haci riba Aruba a duna un resultado magnifico. Pero e no ta nifica cu “nos ta cla pa horcan”.E parti mas grandi ta cu e pueblo mester prepara su mes. Esey ta e preocupacion mas grandi di Departamento di Calamidad pa motibo cu e hendenan di Aruba ta depende hopi di instancianan Gubernamental pa duna nan asistencia. Pero den un horcan cada hende mester percura pa su propiedad y cu nan famia ta protegi.

Desde 2018 tin un plan nobo riba con ta atende cu un crisis na Aruba y tin un plan di con pa atende cu e situacion cuminsando 5 dia prome cu e horcan yega. Hermans ta bisa cu e ta satisfecho y un di e puntonan cu ta trahando riba dje ta un plan con pa mobilisa si careteranan keda bou di awa.E departamentonan ta train den forma regular y Departamento di Calamidad ta keda den contacto cu nan pa mira con e trainingnan ta wordo haci.
Ta certificando nan hendenan tambe den Radio Amateur den caso cu e sistema di comunicacion cay afo. Tin un grupo certifica caba y na augustus awor, e di dos grupo ta haya nan certificacion.

Hermans a bisa tambe cu tin shelter apunta na Aruba y tin 17 area unda mester meld, si e situacion na cas ta bira dificil. Aruba a wordo parti den 3 y den cada area tin un shelter apunta. Esaki ta pa despues di pasada di tormenta. Prome cu e mal tempo ta miho bay cerca un famia cu si por brinda proteccion. Pues e shelter ta pa despues cu e horcan pasa.