Aunke cu e cantidad di casonan nobo di COVID-19 ta menos cu e dia anterior, e cifra ta keda halto. A bini un morto acerca.
Segun resumen di awe 45 persona a recupera, a registra un total di 40 caso nobo di Covid-19, di cual 6 ta no-residente. E cifra di no-residente positivo ta encera esnan no-residente cu ta test na aeropuerto na nan yegada y na laboratorionan prome cu nan bandona Aruba.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 895 test. E ‘Postivity rate’ entre nos residentenan ta 16%.
Casonan activo pa diahuebs tabata 285, cantidad di fayecido relaciona cu Covid-19 a aumenta na 70, condolencia na famia di e fayecido.
Hospital ta informa cu tin un total di 11 persona interna di cual 4 ta den Cuido Intensivo y 7 riba unidad general di covid. Edad promedio di esnan interna pa extra cuido ta 63 aña.
