Aruba tambe tin su problemanan riba e area di trafico di hende

Na Aruba tin tambe e problema di trafico di hende cu ta yega den boto for di Venezuela segun Jeannete Richardson Baars. Berdad nan no ta obliga di bin. Nan ta paga hopi cen, mas tanto di biaha pa yega na Aruba. Esey ta smokkel. Esey ta bay di un pais pa otro sin bo tin e derecho pa yega of keda na e pais unda bo ta bay. E no mester ta traficacion tur biaha. E por yega na dje, pasobra e hendenan cu ta yega, nan ta bay un caminda. Nan lo por tin un trabao, nan por bay den prostitucion, nan por bay den construccion y den esey nan por haya nan mes den un situacion di traficacion. Traficacion manera ta bisa, ta un posicion cu un hende ta den dje, cu e no tin su libertad y tur cos ta wordo kita for di dje. E hendenan aki ora cuminsa traha por topa cu e problemanan unda no ta duna nan pago, tene paspoort etc. Hopi biaha e ta cuminsa cu un hende, e doño di trabao of e tramitador, ta coy e paspoort of papel di identidad, etc. Bo tin e yegamento di hende cu ta wordo gesmokkel, no tur ora ta traficacion di hende, pero ta smokkel.

ADV

 

Sclavitud moderno

Esaki ta sosode tur parti di mundo. Esey ta sosode na Aruba tambe. Tin un team di polis cu ta specialisa den e casonan asina di smokkel y handel y nan tin diferente caso cu nan ta trahando riba dje. Si bo ta bisa cu e ta grandi manera paisnan manera India, Pakistan, hopi leu, cu bo sa cu muchanan ta wordo bendi, of hendenan ta wordo trafica hopi, no por bisa cu esey ta sosode na Aruba. Pero mester ta realistico si, cu momento cu hendenan por gana placa riba lomba di otro hende, nan lo haci’e. Si un hende ta den posicion di dependencia y no por dicidi pa su mes, e tin un riesgo pa wordo explota. E ta sosode. Tin diferente caso cu ta bezig awor aki cun’e.

 

Investigacionnan

Tin cu compronde cu casonan di traficacion y di smokkel no ta tur ora ta facil pa bo yega na suficiente informacion pa bay dilanti di hues. Tin caso cu ta bastante leu caba y ta spera cu den algun siman of luna, por tin un caso dilanti di hues. Pero e ta tuma su tempo. E ta bastante complica pa haya tur e pidanan di e articulo cu bo mester prueba, bo mester tin informacion riba dje, bo mester haya e cooperacion di Ministerio Publico tambe pa e por bay dilanti. Pero te ainda tin e sinti cu den algun luna, por tin un of dos caso cu lo bay bin dilanti hues segun Jeannette Richardson-Baars.

Comments

comments