E federacion di tenis di mesa a tene nan torneo di ranking pa 2017. E hungadornan den tur categoria a enfrenta otro pa asina defini nan posicion fiho riba e ranking di Aruba Table Tennis Association. Tur fin di luna e dicho federacion ta tene nan torneo di ranking. Nos tin e siguiente resultadonan
Den e categoria U10, nos a haya na prome lugar e hoben Marc Rasmijn mientras na di dos lugar a keda Dylan de Leca y na di tres lugar a keda Shawn Kock. Den e categoria U13 nos tin na prome lugar e hoben Bob Chung mienteas na di dos lugar nos tin Robert Dirksen y na di tres lugar Joseline Boekhoudt. Den e categoria U18 e prome lugar a bay pa Jeandry Mathilda mietras na di dos lugar a keda Ching Ho Chung y na di tres lugar Jean Claude Hoek. Despues di esnan infantil y hubenil a sigui cune categorianan di B y A klas. Den e categoria di B klas na prome lugar a keda Wing Chow Leong, na di dos lugar nos tin James Letren y na di tres lugar a keda Zhao Xie. Por ultimo den A Klas e bataya tabata fuerte unda Mario Lobo a termina na di prome lugar sigui pa Andy Gomes cu a keda na di dos lugar y Franklin Lopes cu a keda na di tres lugar.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo ranking di Aruba Table Tannis Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
