Na Barbados tabata tin un competencia di syncro cu seis pais a participa, Corsou,
Barbados, Panama, Guadeloupe, Canada y tambe Aruba. E competencia aki ta algo
diferente cu Panamericano unda cu tin participacion di paisnan manera Canada, Mexico,
Merca, Aruba, Costa Rica, tur pais den America. E ta bay ta un bon experiencia pa e
atletanan di Aruba.

Avigayle Tromp den e categoria 13-15 a splica cu na Barbados tabata un bon experiencia.
Nan a cera amistadnan nobo y fuera di esey nan a gana. E gusta esnan cu e ta landa cun’e.
Meghan Tromp, di categoria Junior, a comenta cu na Barbados el a haci solo free, duet free
y duet technical cu Kaina. Den tur di nan a gana oro. Meghan gusta e deporte aki hopi y kier

Aruba tabata bon representa cu na Barbados ya gana varios medaya

Aruba tabata bon representa cu na Barbados ya gana varios medaya. Click e link pa mas

Posted by 24ora on Monday, July 8, 2019

sigui mehora su mes den dje, sigui train, pasobra e stima e deporte aki.
Por lo general, Meghan a comenta cu e ta contento cu e premionan cu nan a ricibi durante
nan bishita na Barbados.
Den combersacion cu Yami Romay Arias, coach di Barracudas, a splica cu algun di nan a
yega di bay caba manera den e categoria di 13-15, Abigail a yega di participa caba eynan y
tambe Mikaela Morales.
Sofia Cardona, den categoria 12 y abao, a splica cu nan ta haciendo nan best. Na Barbados
el a gana cuater medaya di oro y e trofeo di overall winner. Awor aki nan ta preparando hopi

bon y ta hayando extra training manera gym, ballet y acrobacia. Mas dificil pa Sofia ta pa
keda bao di awa pa hala rosea.
Dos aña pasa den competencia na Chile, nan a cay den di cuater luga. E aña aki nan ta
buske bek. E ta duro si, pero ta bay p’e.
Segun Arias awo cu nan ta di vakantie, ta un tiki duro toch, pa algun di e coachnan tambe. E gana pa gana ta halto. Tin hopi sosten di mayornan. Sin nan esaki no ta posibel.

 

Comments

comments