Aruba ta sostene causa di “Black Lives Matter”

2032

Na Plaza Betico Croes comunidad a yega hunto pa un combersacion riba e topico di “Black Lives Matter”. Clementia Eugene, lecturer University of Aruba, tabata un di e personanan cu a papia riba e motibo cu bida di hende color scur ta importante.

Su motivacion pa skirbi a bin despues di a sigui e caso di George Loyd, kende a fayece despues cu un polis a pone su rudia riba nek. E situacion aki a pone para keto un rato, pa mira con cosnan a bira na mundo. Loke a yama su atencion, ta cu hendenan di tur color, rasa, tipo, a duna nan sosten na hendenan color scur bisando cu ta di mas.

Aruba ta sostene causa di “Black Lives Matter”

Aruba ta sostene causa di “Black Lives Matter”

Posted by 24ora on Monday, June 8, 2020

E ta bibando pa mas di 11 aña y hende ta bis’e cu Aruba ta “One Happy Island”, no tin racismo. Pero e no ta di acuerdo cu esaki, pasobra den San Nicolas mayoria ta hende color scur y na otro parti di isla ta hendenan color cla. Racismo ta un cos, pero desigualdad, discriminacion, explotacion, ta “by product”. E ta papia cu muchanan y ta duna les, ta cont’e nan experencia cu discriminacion den klas aki na Aruba, simplemente pa nan color di cuero.

Aunke e ta mira racismo na Aruba, e ta contento di a mira diferente persona durante e charla. El a sigui bisa di a mira esey, e tin e speransa cu cosnan lo ta miho. E ta conseha muchanan di color scur pa keda na scol y termina esaki. Pa educa nan mes, pasobra ora ta educa esey ta duna confiansa y self esteem. Esey no ta kita cu descriminacion lo disparce.

Taffie Koelie a papia riba Sinter Klaas y p’e e fiesta ta uno di racismo. Manera aki na Aruba, na Surinam tambe ta celebra Sinterklaas. Mayoria hende blanco ta mira esaki algo normal, pero pa hende scur esaki no ta normal. Esnan blanco ta pinta nan cuero preto, pinta lipnan manera nan, segun Koelie. Loke nan ta haci ta joke. Pa su persona fiesta di Sinterklaas no ta un tradicion si otro persona no ta haya esaki leuk.

E ta puntra su mes dicon polis no por a aresta George Floyd na un forma trankil, pakico pone rudia riba nek. Floyd a bisa di no por hala rosea, pero lag’e hala rosea. Aruba no ta manera Merca, p’esey loke por haci ta percura pa splica tur hende kico ta racismo y kico tur por haci. No solamente riba media social, unda ta pone un potret di hende scur y esey t’e. E ta conseha hendenan pa bay cas, haci un investigacion profundo kico ta racismo.