Aruba ta manda un team di hungador pa e olympiada di ahedres na Batumi, Georgia. Olympiada di ahedres ta wordo organisa cada 2 anja na un diferente país. E anja aki, Georgia a gana e voting pa organisa e torneo grandi aki.
E team ta consisti di e hungadornan Randy Tromp, Octavio Croes, Jose Pesqueira, Brian Diaz y Ilya Stetsenko. Como captain y coach di e team lo biaha Raymundo Dijkhoff.
Como lider di delegación y alabes delegado pa Federacion di Aruba, lo biaha Carol S. Pesqueira.
E hungadornan a sali di Aruba durante e ultimo 2 dianan y ta na Hulanda actualmente sperando riba e conneccion via Istanbul pa jega nan destino final Batumi, Georgia. Apertura lo ta diadomingo dia 23 di September.
E weganan lo start dialuna 24 September. E ultimo rond ta wordo hunga riba diabierne 5 di October. Por sigui e resultado via e websitesnan https://batumi2018.fide.com/en y http://chess-results.com/tnr368908.aspx?lan=1&zeilen=99999
Nos ta desea e team di Aruba tur clase di éxito aya na Batumi, Georgia En total tin 185 pais ta participando na e evenemento grandi aki. Aruba su start position ta number 162.
