Dialuna atardi laat despues di 6:00pm un patruya di Polis a para un auto cerca di Rococo Plaza na Tanki Leendert. Mirando e actuacion sospechoso di e 4 hombernan den auto, a laga nan sinta den auto mientras a pidi pa refuerso y dogcatcher cu urgencia. Durante control a pidi e hombernan pa documento pa prueba cu nan ta legal riba Aruba, locual nan no tabatin.
A resulta cu tur cuater tabata ilegal. Nan a admiti mesora cu nan no tin papel. Tur cuater a bay warda di Shaba caminda Warda Nos Costa a tuma nan over pendiente deportacion. Tur cuater ta papia spaño.
Den fin di siman durante accion di Polis cu listramento preventivo a topa mas di e hendenan aki riba caya y a detene tur. Awor cu Polisnan a recobra nan autoridad pa controla stranheronan, ta notando cu tur dia ta deteniendo mas y mas stranhero permaneciendo ilegal riba nos isla. Bon trabou di Polis.