Comerciante Hubert Dirksz ta disgusta cu e situacion di importacion di carni. Aruba pa 15 aña caba ta prohibi pa importa carni for di Colombia y sin cu tin un motibo hustifica pa esaki. E tabata un decision tuma sin base.
Na aña 2006 Aruba, debi cu veterinarionan no tabata kier a biaha pa Colombia mas, a simplemente bisa cu importa carni solamente for di paisnan cu ta exporta pa Merca y Europa. Dirksz, director di Compra N.V., a bay Corte diferente biaha, pero gobiernonan a sigui adapta e ley cada biaha pa no importa carni for di Colombia.
El a cuestiona cu Aruba ta nenga carni di Colombia pero si ta manda su pashentnan malo Colombia unda ta come e mesun carni cu ta prohibi pa drenta Aruba. No solamente esey, mientras cu e ta sigui haci ganashi di unda cu e cumpra e carni, esun perhudica ta e pueblo cu por haya e carni na un prijs hopi mas barata, manera ta e caso na Corsou.
Pa mas informacion, lesa e siguiente edicion di TREMPAN.
