Durante segundo siman den October a tuma lugar un Congreso Mundial di WBSC esta World
Baseball and Softball Confederation cu participacion di alrededor 200 pais. Esaki a tuma lugar
na Botswana Africa unda gobierno di Botswana a inverti alrededor di 1 miyon dollar pa por
cubri gastonan grandi involvi pero alaves cu e vision cu un inversion den deporte ta un inversion sano den futuro di un nacion.
Pa Africa esaki tabata un congreso di suma importancia cu e meta pa injecta amor den e deportenan di bala y bate cual ja caba ta den desaroyo na Africa. Endy Croes y Francisco Chipen a representa Softball ( ASB) mientras cu Reynaldo “Reychi” Geerman a representa Baseball (ABBA). Un Congreso cu un programa extenso cada dia di mainta te cu anochi unda separa di e elecion cu a tuma lugar desicionnan grandi a wordo tuma alrespecto ambos deporte. Aruba sinenbargo a probecha reunionnan individual cu diferente presidentenan di diferente pais pa asina adkeri mas ajudo pa desaroyo. Delegacion di Aruba a reuni cu Softball Canada y tambe USA Softball. Den un bon cooperacion Aruba lo por manda algun coach pa programanan annual interesante presenta pa coachesnan di selecionnan nacional di Canada y USA pa asina amplia nos conosemento cu technicanan moderno. Aruba a firma tambe un acuerdo bilateral cu e presidente nobo di Federacion di softball di Venezuela Sra. Maria Soto porcierto un bom amiga di Aruba. Strategicamente Venezuela lo combini Aruba hopi actualmente y segun e acuerdo aki ambos selecionnan nacional femenino y masculino por
biaha na cualkier momento pa Venezuela pa fogea contra nan selecion Venezolano y
techniconan di Venezuela lo ta kla pa juda nos pitchernan pa hiba nan un otro nivel.
Tambe Venezuela lo ta dispuesto pa manda Aruba 5 di su mihor pitchernan di fastpitch Aruba pa lansa pa 5 diferente equipo den un liga special den 2018 pa un temporada di 45 dia pa asina Aruba por custumbra mira mas y mas e pitcheo internacional. Presidente nobo di WBSC ( Division Softball) Tommy Velazquez tambe a firma un acuerdo di apoyo pa cu Aruba. Lo ricibi ayudo por ehempel pa desaroya nos techniconan, umpiresnan etc. Dirigentenan di Colombia Eduin Diaz, Tony Morales y Javier Anaya ta dispuesto pa cubri alohamiento y alimentacion pa 1 selecion femenino y 1 selecion masculino pa 7 dia den 2018 pa bay train na Colombia . Pues den un solo palabra separa di a asisti na e congreso Mundial Aruba a logra hopi door di e bon networking di su dirigentenan local. Manera tur dirigentenan internacional a acentua cu awor ta e atletanan nan “mindset” mester ta esun corecto cu un animo halto pa prepra pa e otro nivel unda nan ta para kla pa juda. Pabien Aruba.
