E estado di alerta cu Aruba ta, pa loke ta pasando na Venezuela, ta naturalmente, pa mira pa sigui constantemente cual no ta haci tur dia. No ta tur dia, cada ora ta haya un briefing, segun prome minister Evelyn Wever-Croes, durante un conferencia di prensa diahuebs mainta.
Otro dianan cu no tin cos ta pasando, manera cu e ta pasando awo, ta haya un briefing un pa dos biaha pa dia. Awo nos mester ta constantemente atento pa loke ta e briefing nobonan cu tin.
Nos mester pensa riba nos fronteranan, cual ta extra atento riba dje. Tambe riba e impacto internacional. Den e caso aki Aruba tin un situacion dificil den tur e desaroyo aki. Hulanda, como parti di union europeo, nan no ta reconoce preisdente Maduro como e presidente nobo desde dia 10 di Januari. Nan a duna di conoce cu nan ta reconoce Guaido y e Asamblea nacional como e unico organo legiticamente escogi, eligi na Venezuela. Loke nan no a haci ainda y no sa si nan ta bay haciu’e, ta reconoce sr. Guaido como presidente di Venezuela.
Aruba ta un isla hopi chikito, hopi cerca di Venezuela y nos ta manera mey mey di e situacion aki. Gobierno a duna su opinion y a bisa cu ta prefera pa tin un relacion di paz cu nos bisiña, en bes di wordo usa pa paisnan Europeo den nan lucha cu nan tin cu e pais.
Pero cualkier posicion cu nan tuma mester ta alerta y mira con ta bay reacciona riba esey.
E di dos punto ta e impacto internacional.
E di tres punto cu e prome minister ta preocupa y tin’e den estado di alerta, ta tema di e vuelonan y nos fronteranan cu no por haya den un situacion cu e frontera ta wordo cera y tin Arubianonan pega na Venezuela atrobe.
Tin cu bisa si, cu e conseho di vuelo, e reisadvies di Reino, ta no bay Venezuela si bo no tin nada di haci eynan. No ta un luga pa bo bay vakantie awor aki. Evita di bay. Naturalmente no por pone prohibicion, pero evita di bay.
Di cuater punto cu prome minister ta preocupa p’e y ta mantene den estado di alerta, ta e tema di evacua nos hendenan. Ta un plan cu Aruba su so no por haci. Ta un plan cu ta riba tereno di reino cu tin cu wordo haci. E ta tuma su tempo. Ta p’esey algun siman pasa, na December, a haci un apelacion na esnan cu ta bay Venezuela, pa registra na e embahada Hulandes na Caracas, cu bo ta eynan, specialmente cu ta biba eynan, pa bo ta registra na Embahada. Si mester bay tin evacuacion cu ta tuma luga, bo ta por lo menos riba e lista. No por bisa cu awo ta bay bin esey. Loke ta sosodiendo na Venezuela, si ta pone cu tur e luznan di alerta ta lanta riba e terenonan aki.
