Cuerpo Policial Aruba ta orguyoso un biaha mas cu 18 studiante a logra termina nan estudio policial exitosamente. Ta trata aki di klas 2016 nivel 4. Cu un trayectoria intenso di 4 aña, un total di 18 studiante awor tin nan diploma di MBO politie opleiding den nan man.
Recientemente na scol di polis E.J. Watty Vos a tuma luga un Drive By event. Cada studiante compaña cu nan famia a presencia un momento inolvidabel na unda un miembro di famia awor ta polis. Despues cu e studiante a firma su diploma. E studiante a haya e diploma for di man di altocomisario di polis Vanessa Kock den presencia tambe di hefe de scol di polis E.J. Watty Vos, Jeannete Richardson-Baars.
Awor Aruba tin 18 polis hoben, cualifica y determina pa sirbi nos pais. Ta trata aki di Andrews, S. Harilal, L. Peterson, M. Palm, D. Hodge, K. Nobibux, D. Angela, R. Laveist, J. De kort, M. Santana, C. Boekhoudt, F. Boekhoudt, E. Boekhoudt, J. Charles, J. Vrolijk, N. Kuiperdal, K. Molina, J. Y Maduro S.
E cuerpo ta hoben pero tin un solo meta en comun pa brinda siguridad, combati criminalidad y pa sirbi nos pais. Pabien na Klas 2016 awor e trayectoria policial ta inicia.
