Giovana Tapia, coordinadora consular di Peru na Aruba, a dirigi na e comunidad Peruano, pa por duna miho informacion den loke ta concerni na un bishita di e consulado di Peru na Panama, pa bin cu un consulado itinerante.
Kico e ta?
Normalmente Aruba ta bao di e hurisdiccion di e consulado di Peru na Venezuela. Pero a base di e problemanan cu nos tur sa, cu e gobierno di Venezuela, nan a cambia di hurisdiccion. Awo, Aruba y e demas islanan, ta bay cay bao di e hurisdiccion di e consulado na Panama. E bishita itinerante ta pa facilita tur Peruano residente na Aruba y e otro islanan, manera Boneiro, Corsou, St. Maarten, St. Eustatius, pa nan por tin nan documentonan regla, pa duna nan tur facilidad pa nan por realisa dicho tramitenan, manera renobacion di paspoort, inscripcion di nacimento, podernan bao di scritura publico, podernan simpel.
E importancia
Loke ta mas importante di e hornada aki, ta pa henter e comunidad, manera cu sa, cu den exterior, cue documentonan di identidad, ta e paspoort vigente pa por renoba e paspoort Peruano, cual ta e paspoort biometrico.
Paspoort biometrico
E paspoort biometrico ya tin como cuater aña cu nan a keda emiti. Nan a cambia di un paspoort simpel, pa un paspoort biometrico, pa e exigencianan di Europa. Peru awo tin entrada liber pa Europa. Prome tabata tin mester di un visa. Pero awo nan tin entrada liber. P’esey nan ta cambiando e paspoort pa uno biometrico. E paspoort biometrico ta e paspoort cu tin e chip y na Peru nan no tabata maneha esaki anteriormente.
Unda esaki lo bay realisa
Esaki lo bay tuma luga na Talk of the Town, dianan 9 y 10 di Mei, for di 9’or di mainta pa 12’or di merdia y di 1’or di merdia pa 4’or di atardi. Pero prome cu esey, ya casi henter e comunidad Peruano ta informa via rednan social. Pasobra e informacion aki tabata saliendo den diferente medio pa por haci un inscripcion.
No ta cu e personanan cu mester haci tramite, nan por bin despues di a haci un inscripcion of registracion pa nan por tuma nan na cuenta y verifica nan dato. Pasobra pa Peru, e documento di identificacion ta DNI. E ora e personanan cu no tin e documento eynan, ta dificil pa nan por haci cualkier tramite Peruano. Esey ta nan documento di identificacion, manera cu na Aruba tin e ID. Pa Peru, esey ta e DNI.
Registracion
E inscripcion aki ya ta wordo haci cu Tapia. Por tuma contacto cun’e via telefon 5688621, cual ya e comunidad Peruano conoce. E tin como 13 aña ta colabora cu e gobierno di Peru, como coordinador consular na Aruba.
Mensahe na e comunidad Peruano
Finalmente Tapia kier a pidi na henter e comunidad Peruano, cu rib e dia aki por asisti tur esnan cu ta inscribi, respetando, demostrando cu nan ta un comunidad respetuoso, un comunidad cu principio pa e demas comunidadnan.
