Durante e fin di siman 19 pa 21 october Aruba lo ta anfitrion di un ‘scol’ pa Huesnan FINA.
Fédération Internationale de Natation, (FINA)ta e federacion internacional reconoci door di e Comite Olimpico Internacional pa e maneho y organisacion di competencianan di deportenan acuatico.
Manera ta conoci Landamento Artistica (antes conosi como ‘Synchro’) ta un di e deportenan acuatico hopi conoci local y internacionalmente. Den e deporte aki tin Jueznan cu mester duna scores na locual ta wordo presenta den awa. E meta principal di e “FINA Artistic Swimming Certification School-program” ta, pa Jueznan mundialmente ta wordo siña con pa duna e scores y cu tin pensamento universal kiko ta bon y dicon ta duna cierto scores.
Awor aki FINA a introduci e scolnan aki na unda e Jueznan mester hasi un examen y mester logra cierto puntuahe pa por wordo inclui ariba e lista di FINA. Den competencianan internacionalmente lo usa e Jueznan FINA pa por ta sigur cu tin e mihor Jueznan y resultadonan mas obhetivamente. Fuera di 7 participantenan local tin participantenan di Brasil, Colombia, Costa Rica, Venezuela, Philipinas, Finlandia, Corsou y Canada.
E ‘scol’ lo tuma lugar na Alhambra Ball Room y mester gradici Divi All Inclusive Resorts cual ta e hotel anfitrion pa nan cooperacion tremendo pa cu e evento aki. Manera ta conoci pa mas cu 25 aña caba e Club local di Landamento Artistico ta duna show semanal na e Divi y Tamarijn Resorts!
