Reverón Trio, ta consisti di musiconan Venzolano cu ya ta hopi conoci na Aruba: Ana Maria Otamendi, pianista; Horacio Contreras, cello; y Simon Gollo, violinista. Tres musico cu pasion pa nan profesion. Nan lo interpreta e obra “Piano Trio No.1 in C minor” di e famoso compositor Brasileño Heitor Villa-Lobos.

E bunita obra aki ta consisti di 4 movimento y ta dura 23 minut.  Despues  Randolph Kelly,violista y Olivier Piguet (violinista) lo uni cu e trio pa haci un quinteto cu lo interpreta “Piano Quintet in G Minor, Op. 49” di e compositor Enrique Granados di Spaña.  Apesar di a muri hopi hoben (48 aña) Granados a laga varios obra, di cual Op. 49 ta un di e mas popularnan. E quinteto bou di direccion di Simon Gollo ta hasi husticia na e compositor. E obra ta den tres parti y ta dura 15 minut.

Entrada ta GRATIS. Lo tin un caha pa donacion pa mustra bo aprecio pa Aruba Symphony Festival y yuda nan paga nan gastonan cu e aña aki ta hopi mas cu añanan pasa. E concierto ta cuminsa 8pm.

Diadomingo Juli 21 na Cas di Cultura, 11.00 AM

E popular y importante competencia di mas di dies studiante pa e premio “Clyde Harms Scholarship”. E ganador ta haya invitacion cu tur gasto paga, pa bin participa na 2020 y nan lo tin e oportunidad di toca solo acompaña pa e Festival symphony orchestra. Entre e ganadornan desde 2015 tabatin na 2015, un violinista di Salt Lake City, Andrea Hughes; na 2016 un clarinestista Colombiano, XXXX; na 2017, un pianista Chilena di 14 aña, Claudia Roa; y aña pasa, e violinista di San Cristobal, Venezuela cu tabatin apenas 13 aña. Supuestamente ta compiti tambe e cellista Colombiano di 12 aña.  E jurado di e competencia ta consisti di maestronan  y artistanan invita pa tuma parti den e Festival.

Entrada ta GRATIS. Lo tin un caha pa donacion pa mustra bo aprecio pa Aruba Symphony Festival y yuda nan paga nan gastonan cu e aña aki ta hopi mas cu añanan pasa.

  1. E competencia ta cuminsa11 0r di MAINTA.

Diadomingo juli 21 na Paseo Herencia, 8 PM – Music on the street!

Tres grupo ta programa pa participa: Cincopandia, Latinamerican Music Ensemble y La Vie in Corde.  Nos no tin e nomber di e miembronan di cada grupo ni e piesanan cu lo wordo toca.

Esakinan lo wordo anuncia na e momento cu nan ta bay wordo toca.

Entrada ta GRATIS. Lo tin un caha pa donacion pa mustra bo aprecio pa Aruba Symphony Festival y yuda nan paga nan gastonan cu e aña aki ta hopi mas cu añanan pasa.

 

 

 

Comments

comments