Turismo di Aruba, na e momentonan aki, ta pasando den su miho momentonan den historia. 2019 por ta considera un di e miho añanan den historia di turismo di nos pais segun minister di salud, deporte y turismo, Dangui Oduber.
Si bo mira tur e indicadornan, e cantidad di stay-over, apesar cu a perde e mercado Venezolano cu semper tabata nos di dos mercado. Apesar di esaki, e mercado Mericano a crece casi 11% den 2018. E cantidad di bishitantenan crucero a yega na un record di mas cu 800 mil turista crucero. E REVPAR a crece cu double digits den aña 2018. Aruba tin e REVPAR mas halto entre varios paisnan den Caribe.

E grado di ocupacion year-round ta rond di 86%. Tempo cu tabata den oposicion, a bisa cu kier enfoca riba turistanan di calidad. E turista afluente, e turista cu ta bin gasta placa, laga placa atras den nos economia. Den 2018, segun rapport di Banco Central, e cantidad di placa cu turistanan a laga atras, a crece cu mas di 8% compara cu e aña anterior. Esaki a duna un crecemento di mas cu 400 miyon extra den nos economia.

Aruba su turismo ta pasando den su miho momentonan den historia

Aruba su turismo ta pasando den su miho momentonan den historia. Click e link pa mas https://24ora.tv/2VKVZSE

Posted by 24ora on Wednesday, October 16, 2019

Den 2019, e situacion no a cambia. El a sigui mesun cos. E crecemento den cantidad di bishitante crucero, den cantidad di stay over, den grado di ocupacion, den REVPAR, tur a sigui den e mesun trend. Minister Oduber ta hopi contento cu esey. E ta gradici tur esnan cu ta labora den e industria turistico, pasobra Aruba ta un isla cu ta depende hopi riba turismo. Nos ta e di dos pais na mundo cu ta depende mas riba turismo. Turistanan ta bin Aruba pa e hospitalidad, e servicio cu nos ta duna na nos huespednan y sigur e minister kier pa mantene e grado di servicio, e nivel di servicio. Esaki ta danki na esnan cu ta lanta mainta labora den e industria aki. Nan ta yuda nos fortifica y engrandece nos turismo. E proyeccionnan pa 2020 no ta diferente. E mercado Mericano ta sigui fuerte.

Den maneho di gobierno, a bisa cu lo enfoca riba e mercado Canades cu a bira mientras tanto nos di dos mercado. E ta un mercado hopi solido. Nan tin un economia fuerte. Den maneho di gobierno y a bisa ATA kier mas presencia na Canada. Kier haya mas turista for di Canada y a inclui esaki tambe den e presupuesto 2020 di ATA den e caso aki, pa asina por atrae mas turista Canades, cu poco poco lo bay reemplasa e mercado Venezolano cu semper tabata un mercado hopi beneficioso pa nos pais.
Tabata turistanan cu tabata gasta hopi placa den nos economia. Pero debi na e situacionnan cu tin economicamente na Venezuela, e mercado a bay perdi. Awo ta reemplasando esaki cu e mercado Canades.
Latino America ta keda un mercado atractivo, como e mercado di Europa.

Comments

comments