Aruba su team di TK4 ta uniforma y cla pa Surinam

Diamars atardi e team cu ta bay representa Aruba na Surinam a briya den nan uniform nobo. Nan uniform a wordo ortoga na nan door di Brazil Taekwondo Stichting mes cu semper ta coopera pa nan haña nan uniformnan. Meneer Dan di U Need A T-Shirt na Merca semper ta coopera pa print riba nan uniform. 
For di aña pasa e team di Cadet ta preparando pa e di 8 TK5 na Surinam y Aruba tin 7 aña ta gana e copa na Surinam. E aña aki nos ta conta cu un team dinamico y nan ta bay bringa contra di Frans Guyana y Surinam pa e copa aki.  
Aruba su team ta consisti di e siguiente atletanan:

  • Samuel Rosales di Noord Taekwondo Center bou guia di Grand Master Chaco Cornelio, Master Melvin Rasmijn, Master Joshmar Wever y Master David Dubero.
  • Danon Delamore, Joshua Klabér y Roderick Tromp di Brazil Taekwondo Stichting bou guia di nan training korps di Taekwondo. 
  • Jourdé y Záhyon Klabér ta bay coach nan na surinam.
  • 297Sports Facebook ta bay ta bibo y directo for di Surinam pa asina informa Aruba di e resultadonan na Surinam.

Dr. Guaicaipuro Jimenez Presidente di Aruba Taekwondo Bond semper ta apoya e team nan di Aruba cu ta representa Aruba internacionalmente.