Aruba Sport Unie: 62 edicion ASU Olimpiada den Stadion Frans Figaroa na Noord

Recientemente Aruba Sport Unie a tene e Ceremonia di Apertura di e ASU Olimpiade 2019 den Centro Deportivo Frans Figaroa na Noord.

Den presencia di e miembronan di e directivo, invitadonan, e federacionnan deportivo sin lubida e atleta y coachnan a habri e edicion 62 di e ASU Olimpiade.

A hiba palabra n’e bunita ocasion aki, presidente di ASU, sr. Gerald Franca unda el a recorda e 62 aña cu Aruba Sport Unie ta contribui n’e formacion di nos mucha y hobennan pa nan bira un bon cuidadano, tur esaki atrabes di deporte. 

Mester bisa cu e desfile di tur e deportenan tabata uno colorido y bunita pa mira. Tur hende a haci nan maximo esfuerso pa presenta un bunita show di nan deporte pa e publico presente por mira.
Stichting Sportsubsidie Aruba ta contento di por aporta y brinda e ayudo na Aruba Sport Unie conmemorando nan di 62 aniversario di e ASU Olimpiada pa tur nan federacionnan miembro.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.