Aruba Soccer Academy ta orguyoso di anuncia cu conhuntamente cu SOCATOTS ta bay cuminsa ofrese training na e futuro estreynan di futbol.
Mas cu 2 miyon mucha, den casi 60 pais rond di mundo, ya caba a cuminsa nan aventura cu SOCATOTS. SOCATOTS ta un training diseña specificamente pa mucha entre 2-3 y 4-5 aña cu actividadnan cu ta pas cu e edad y vooral ta leuk pa nan.
Cu e actividadnan aki nan ta desaroya nan motoriek y alaves traha riba e aspecto social bow di guia di coaches cu ta entrena specialmente pa esaki.
Un aspecto unico di SOCATOTS ta cu e training ta inclui participashon activo di mayornan of acompañante di e mucha, cual ta pone cu e training ta un bonding moment tremendo pa nan, ta yuda duna e mucha un boost pa su autoestima.
Lesnan lo cuminsa 10 di Maart venidero na Stadion Frans Figaroa, den e zaal unda sa tin Zumba di 10 AM pa 11 AM. Asinaki nos ta proteha nos chikitonan contra solo! Lo tin oportunidad pa registra diadomingo awor 17 di Februari di 11 AM pa 12 PM na Stadion Frans Figaroa. No perde e oportunidad aki, cuponan ta limita! Pa registra por manda un WhatsApp pa 592-5235 of manda un email na [email protected] of por bishita nos Facebook page ASA – Aruba Soccer Academy.
