Aruba Marriott Resort ta celebra “Pride Month”

E aña aki atrobe, Aruba Marriott Resort & Stellaris Casino ta celebra “Pride Month”. Pa esey a ilumina tur e matanan di coco na entrada di e compleho di hotel cu colornan di e bandera di orguyo (Pride Flag).

E iniciativa aki pa sostene un di e balornan di Marriott, esta pone e hende prome, cu na su turno ta demostra nan compromiso pa nan empleadonan y nan huespednan, pa nan sinti nan mes comfortabel di ta ken nan ta.

Na Aruba nan ta un di e prome hotelnan pa sali publicamente demostrando nan sosten y aprecio incondicional na e comunidad LGBT, tanto local como internacional.